ڊي آءِ جي سکر اقبال دارا ايراني ڊيزل جي ڪاروبار ۾ ملوث آهي، سندس ئي کاتي جي ماتحت آفيسر طرفان ڪرايل انڪواري رپورٽ ايڊوڪيٽ جنرل وٽ پيش، ڊي آءِ جي خلاف ڪرايل انڪوائري تي آءِ جي سنڌ به ڪاوڙجي پيو

سکر(رپورٽ ارشاد ڊنڊڻ) ڊي آءِ جي سکر اقبال دارا ايراني ڊيزل جي ڪاروبار ۾ ملوث آهي، سندس ئي کاتي جي ماتحت آفيسر طرفان ڪرايل انڪواري رپورٽ ايڊو...

سکر(رپورٽ ارشاد ڊنڊڻ) ڊي آءِ جي سکر اقبال دارا ايراني ڊيزل جي ڪاروبار ۾ ملوث آهي، سندس ئي کاتي جي ماتحت آفيسر طرفان ڪرايل انڪواري رپورٽ ايڊوڪيٽ جنرل وٽ پيش، ڊي آءِ جي خلاف ڪرايل انڪوائري تي آءِ جي سنڌ به ڪاوڙجي پيو، انڪائري آفيسر انسپيڪٽر غلام علي جماڻي جي پيش گھر به خالي ڪرايو ويو، ڊي آءِ جي اقبال دارا خلاف درخواست ڏني  وئي هئي ته هو ايراني ڊيزل جي ڪاروبار ۾ ملوث آهي. اهڙي درخواست تي ايڊيشنل آءِ جي آفتاب پٺاڻ ڊي آءِ جي عمران يعقوب منهاس ۽ انسپيڪٽر غلام علي جماڻي تي مشتمل انڪوائري ٽيم جوڙي. انڪوائري رپورٽ ۾ ڄاڻايو ويو  آهي ته ڊي آءِ جي اقبال دارا ايراني ڊيزل جي ڪاروبار، ڀتي خوري ۽ ٻين غيرقانوني ڪمن ۾ ملوث آهي. سندس سرپرستي ۾ جهٽ پٽ بلوچستان مان روزانو ڪيترائي ٽرالر سنڌ ۾ داخل ٿيندا آهن، جنهن ۾ ڊيلر نجيب الله انڍڙ، پي ايس دادلو، سانگي ۽ ٻيا ملوث آهن، جن ذريعي ايراني تيل اسمنگلنگ ٿئي ٿو، پيٽرول اسمگلنگ جي مد ۾ روزانو هڪ لک رپين جي رشوت وصول ڪئي ويندي آهي، اِن سموري معاملي جي نگراني ايف سي جو هڪ رٽائرڊ اهلڪار ڪندو آهي. جاچ رپورٽ ۾ ڊي آءِ جي مٿان اِهو به الزام لڳايو ويو ته 8 پوليس اهلڪارن تي ٻڌل پوليس پارٽي شراب جي گتن، فحاشي توڙي جوا جي اڏن تان ماهوار ڀتو وصول ڪري اها رقم ڊي آءِ جي سکر کي ملندي آهي، انسپيڪٽر غلام علي جماڻي رپورٽ ۾ اهو به ڄاڻايو  آهي ته انڪوائري ڪرڻ تي ڊي آءِ جي مختلف بهانن سان مون کي تنگ ڪندو رهيو آهي، منهنجي لوڪيشن پڻ ٽريس ڪئي وڃي ٿي. انسپيڪٽر رپورٽ ۾ سفارش ڪئي آهي ته ڊي آءِ جي اقبال دارا خلاف ڪارروائي ڪري ان کي غيرقانوني ڪمن کان روڪيو وڃي. جڏهن ته آءِ جي سنڌ ڊاڪٽر ڪليم امام پي ٽي سي لاڙڪاڻي ۾ مقر غلام علي جماڻي طرفان ايراني ڊيزل جي اسمگلنگ ۾ ڊي آءِ جي سکر کي ذميوار قرار ڏيڻ ۽ اهڙي رپورٽ ايڊوڪيٽ جنرل سنڌ کي پيش ڪرڻ تي سخت ڪاوڙ جو اظهار ڪندي کانئس وضاحت گھري ورتي،  آءِ جي سنڌ انسپيڪٽر جي رپورٽ کي من گھڙت قرار ڏيندي سندس خلاف ڊپارٽ مينٽل ڪارروائي جو فيصلو ڪيو آهي.  آءِ جي سنڌ چيو آهي ته ڄاڻايل انسپيڪٽر کي ڊي آءِ جي سکر خلاف جاچ جي هدايت ناهي ڪئي وئي ۽ نه ئي وري هو انهي جو مجاز آهي. آءِ جي سنڌ جي نوٽيس کانپوءِ لاڙڪاڻي جي ايس ايس پي مسعود بندش انڪوائري آفيسر انسپيڪٽر غلام علي جماڻي کي آفيس طلب ڪري سخت پڇاڳاڇا بعد لکت ۾ جواب داخل ڪرائڻ جي پڻ هدايت ڪئي آهي. ذريعن مان معلوم ٿيو آهي ته انسپيڪٽر غلام علي جماڻي ايس ايس پي مسعود بنگش وٽ جواب داخل ڪرائي ڇڏيو آهي. جڏهن ته ڊي آءِ جي اقبال دارا رپورٽ پيش ڪندڙ آفيسر غلام علي جماڻي تي ڪاوڙ جو اظهار ڪندي کانئس سرڪاري گهر به خالي ڪرائڻ جو حڪم جاري ڪري ڇڏيو آهي،