سنڌ جي مختلف شهرن ۾ مطالبن جي مڃتا لاء پيرا ميڊيڪل اسٽاف طرفان مظاهرا ڪري ريليون ڪڍيون پيون وڃن، او پي ڊيز جو بائيڪاٽ جاري آهي، پي ايم اي جي احتجاجن ۽ او پي ڊيز جي بائيڪاٽ سبب اسپتالن ۾ آيل مريض ۽ سندن وارث رلي ويا

ڪراچي، حيدرآباد، سکر (نمائندن وٽان ) سنڌ جي مختلف شهرن ۾ مطالبن جي مڃتا لاء پيرا ميڊيڪل اسٽاف طرفان مظاهرا ڪري ريليون ڪڍيون پيون وڃن، او پي ...

ڪراچي، حيدرآباد، سکر (نمائندن وٽان ) سنڌ جي مختلف شهرن ۾ مطالبن جي مڃتا لاء پيرا ميڊيڪل اسٽاف طرفان مظاهرا ڪري ريليون ڪڍيون پيون وڃن، او پي ڊيز جو بائيڪاٽ جاري آهي، پي ايم اي جي احتجاجن ۽ او پي ڊيز جي بائيڪاٽ سبب اسپتالن ۾ آيل مريض ۽ سندن وارث رلي ويا، سنڌ پيراميڊيڪل جوائنٽ ايڪشن ڪميٽي جي سڏ تي حيدرآباد سرڪاري اسپتالن ۾ او پي ڊيز جو بائيڪاٽ ڪيو ويو آهي،بائيڪاٽ سبب علاج لاءِ ايندڙ مريضن کي ڏکيائيون پيش اچي رهيون آهن، مدئجي تعلقي اسپتال ۾ او پي ڊي جو مڪمل بائيڪاٽ ڪيو ويو، ڊاڪٽرز ۽ عملي ٻانهن تي ڪاريون پٽيون ٻڌي احتجاج ڪيو، او پي ڊي ۾ دوا وٺڻ آيل مريض پريشان ٿي واپس روانا ٿي ويا، تنگواڻ ۾ پيرا ميڊيڪل اسٽاف طرفان او پي ڊي جو بائيڪاٽ ڪري او پي ڊي او بائيڪاٽ ڪيو ويو، بخشاپور ۾ پيرا ميڊيڪل اسٽاپ طرفان مطالبن جي مڃتا لاءِ ٻانهن تي ڪاريون پٽيون ٻڌي احتجاج ڪيو ويو، او پي ڊيز جي بائيڪاٽ سبب مريض رلي ويا. پيرا ميڊيڪل اسٽاف جوائنٽ ايڪشن ڪاميٽي جي سڏ تي جائز مطالبن جي مڃتا لاءِ تعلقي اسپتال ڏيپلو ۾ او پي ڊي جو مڪمل بائيڪاٽ ڪري احتجاج پڻ ڪيو ويو، تعلقي اسپتال ٻاهران ڌرڻو هنيو ويو، پنگريو صحت مرڪز ۾ پيرا ميڊيڪل اسٽاف يونين جي سڏ تي ڊاڪٽرز ۽ عملي صحت مرڪز جا گيٽ بند ڪري مطالبن جي مڃتا لاءِ احتجاج ڪيو، پاڪستان پيرا ميڊيڪل اسٽاف جي سڏ تي رورل هيلٿ سينٽر نندو جي ملازمن به او پي ڊيز جو بائيڪاٽ ڪري احتجاج ڪيو، علاج لاءِ ايندڙ مريض دربدر ٿيڻ لڳا. فيض گنج ۾ پيرا ميڊيڪل اسٽاپ پاران مطالبن جي مڃتا لاءِ احتجاجي مظاهرو ڪري او پي ڊي جو بائيڪاٽ ڪيو ويو، مريض بنا علاج جي واپس روانا ٿي ويا، پيرجو ڳوٺ ۾ پيرا ميڊيڪل اسٽاپ پاران مطالبن جي مڃتا لاءِ احتجاجي مظاهرو ڪيو ويو، مطالبن جي حق ۾ نعرا هنيا ويا. پيپلز پيرا ميڊيڪل اسٽاف دريا خان مري پاران رورل ھيلٿ سينٽر درياخان مري اسپتال ۾ او پي ڊي جو مڪمل طور بائيڪاٽ ڪري اسپتال کان ريلي ڪڍي وئي، اسپتال جي مين گيٽ آڏو ڌرڻو پڻ هنيو ويو، پيرا ميڊيڪل اسٽاف ۽ جوائنٽ ايڪشن ڪميٽي پاران پنهنجي مطالبن جي مڃتا لاءِ رورل هيلٿ سينٽر جي ملازمن اسپتال جي مڪمل تالا بندي ڪري، اسپتال ٻاهران ڪيمپ قائم ڪري ورتي، پيرا ميڊيڪل اسٽاف ۽ جوائنٽ ايڪشن ڪميٽي پاران پنهنجي مطالبن جي مڃتا لاءِ مرڪزي سڏ تي موري اسپتال سميت مختلف رورل ۽ بيسڪ ھيلٿ سينٽرن جي ملازمن اسپتالن جي مڪمل تالا بندي ڪري او پي ڊي جو مڪمل بائيڪاٽ ڪيو، اسپتال ٻاهران احتجاج ڪيو ويو، احتجاج دوران خطاب ڪندي اڳواڻن چيو ته 20 ڏينهن کان اسان جو احتجاج ھلندڙ آھي، مطالبا منظور نه ٿيڻ ڪري ڪراچي پريس ڪلب اڳيان احتجاج ھلندڙ آھي، اڄ او پي ڊي جو بائيڪاٽ پڻ انهي احتجاج جي ڪڙي آھي، جيڪا سموري سنڌ جي اسپتالن ۾ ھلندڙ آھي اسان سنڌ حڪومت کان گهر ڪيون ٿا ته پيرا ميڊيڪل اسٽاف کي ھيلٿ پروفيشنل الائونس 50 سيڪڙو/ ٽائيم اسڪيل/ رڪوري ليٽر جي واپسي سميت سن ڪوٽا بحال ڪئي وڃي.