ايسوسيئيشن آف پرائيوٽ انسٽيٽيوٽ سنڌ جي چيئرمين بشير احمد چنه، سکر ۾ ميڊيا سان ڳالهائيندي چيو آهي ته سنڌ جو تعليمي نظام حڪمرانن جي دلچسپي نه هجڻ ۽ روز نون تجربن جي ڪري ڪروڙين روپيه بجيٽ خرچ ڪرڻ جي باوجود به تباهي ڪناري پهچي چڪي آهي

سکر(بيورو رپورٽ) ايسوسيئيشن آف پرائيوٽ انسٽيٽيوٽ سنڌ جي چيئرمين بشير احمد چنه، سکر ۾ ميڊيا سان ڳالهائيندي چيو آهي ته سنڌ جو تعليمي نظام حڪمر...

سکر(بيورو رپورٽ) ايسوسيئيشن آف پرائيوٽ انسٽيٽيوٽ سنڌ جي چيئرمين بشير احمد چنه، سکر ۾ ميڊيا سان ڳالهائيندي چيو آهي ته سنڌ جو تعليمي نظام حڪمرانن جي دلچسپي نه هجڻ ۽ روز نون تجربن جي ڪري ڪروڙين روپيه بجيٽ خرچ ڪرڻ جي باوجود به تباهي ڪناري پهچي چڪي آهي. سنڌ حڪومت جي نيڪ نيتي تي شڪ ناهي پر چونڊيل نمائندا پنهنجي مقصدن کي حاصل ڪرڻ لاءِ تعليم کي داءُ تي رکي رهيا آهن. هن چيو ته گذريل هڪ سال کان تعليم کاتي جون ذميواريو کڻڻ لاءِ ڪوبه وزير ۽ مشير تيار ناهي. سعيد غني صاحب سٺي ڪوشش ڪئي، جنهن کي اسان ڀليڪار چيوسين. ته تعليم واري کاتي ۾ موجود لاڏلن ۽ ڪمائو پٽن جي ڪري تعليم پٺتي پئجي رهي آهي. جنهن سان نه صرف شاگردن جو مستبقل پر سنڌ جو مستبقل به خطري ۾ پئجي رهيو آهي. ۽ سنڌ جي اڪثر علائقن ۾ سرڪاري اسڪول بند پيل آهن. جتي نجي اسڪول پنهنجي تعليمي معيار ۾ بهتري آڻي ٻارڙن کي علم جي روشني سان همڪنار ڪري رهيا آهن. پر افسوس سان چوڻو پوي ٿو ته ڪجهه تعليم دشمن قوتن جي ڪري تعليم کي هٿي وٺرائڻ بجاءِ پٺتي ڌڪيو پيو وڃي. هن چيو  ته اي پي آءِ سنڌ ۽ پي ايس ايم اي پاران هڪ غير منتقي فيصلي جي خلاف آواز بلند ڪيو آهي ۽ پهريان اسٽيئرنگ ڪميٽي جي گڏجاڻي ۾ نه صرف کلي ڪري ان فيصلي جي مخالفت ڪئي وئي پر سڀني کي آگاهه به ڪيو ويو، پر تعليم واري وزير سيد سردار علي شاهه پڻ الڳ ملاقات جو چئي ڪري ان تي نظرثاني ڪرڻ جو واعدو ڪيو هو پر واعدو ناهي پاڙيو ويو، بشير احمد چنه وڌيڪ چيو ته اهڙن فيصلن جي ڪري ٻارڙن جو مستقبل تباهه ٿي رهيو آهي جنهن کي بچائڻ لاءِ اهم ڪردار ادا ڪرڻ جي ضرورت آهي. ته جيئن هر ٻار کي اٺن مهينن ۾ گھٽ ۾ گھٽ 8 مضمون ياد ڪرڻ لاءِ تياري ڪرڻ گھرجي. جيڪو نه صرف مشڪل آهي پر ٻارڙن جي قوت به متاثر ٿيندي. هن اختيار ڌڻين سميت ساڃاهه وندن کان مطالبو ڪيو ته سنڌ جي تعليم کي بهتر بڻائڻ لاءِ سڀني کي پنهنجو پنهنجو ڪردار ادا ڪرڻو پوندو،