ڪشميرين سان سندن جدوجهد ۾ يڪجهتيءَ جي اظهار طور سکر ۾ به ضلعي انتظاميه پاران ڪشمير جو ڏهاڙو ڀرپور قومي جذبي ۽ ولولي سان ملهايو ويو. ضلعي انتظاميه سکر پاران مختلف ادارن جي سهڪار سان ترتيب ڏنل پروگرام موجب سکر جي دعا چوڪ کان ميونسپل اسٽيڊيم تائين ميراٿن ريس ٿي جنهن ۾ مختلف اسڪولن جي شاگردن وڏي انگ ۾ حصو ورتو، اهو مقابلو بچل شاهه مياڻي اسڪول جي اقبال جتوئي کٽي ورتو،

سکر(بيورو رپورٽ) ڪشميرين سان سندن جدوجهد ۾ يڪجهتيءَ جي اظهار طور سکر ۾ به ضلعي انتظاميه پاران ڪشمير جو ڏهاڙو ڀرپور قومي جذبي ۽ ولولي سان مله...

سکر(بيورو رپورٽ) ڪشميرين سان سندن جدوجهد ۾ يڪجهتيءَ جي اظهار طور سکر ۾ به ضلعي انتظاميه پاران ڪشمير جو ڏهاڙو ڀرپور قومي جذبي ۽ ولولي سان ملهايو ويو. ضلعي انتظاميه سکر پاران مختلف ادارن جي سهڪار سان ترتيب ڏنل پروگرام موجب سکر جي دعا چوڪ کان ميونسپل اسٽيڊيم تائين ميراٿن ريس ٿي جنهن ۾ مختلف اسڪولن جي شاگردن وڏي انگ ۾ حصو ورتو، اهو مقابلو بچل شاهه مياڻي اسڪول جي اقبال جتوئي کٽي ورتو، اهڙي ريت ساڳي اسڪول جي وزير کروس ٻئي ۽ ايم ڪي هاءِ اسڪول جي نِکل ٽين پوزيشن حاصل ڪئي. اهڙي ريت ڊي سي سکر رانا عديل تصور ۽ ٻين جي اڳواڻي ۾ مينارا روڊ کان ڪشمير ريلي ڪڍي وئي جنهن ۾ شريڪ ماڻهن جي هٿن ۾ ڪشميرين تي ظلم بند ڪيو ۽ ڪشمير بني گا پاڪستان جا بينر ۽ پلي ڪارڊ هئا، جڏهن ته نعريبازي پڻ ڪئي وئي. بعد ۾ ميونسپل اسٽيڊيم ۾ ڪشميرڊي جي حوالي سان پروقار تقريب منعقد ڪئي وئي، جنهن ۾ سکر جي مختلف سرڪاري ۽ نجي اسڪولن توڙي ڪاليجز جي شاگردن ۽ شاگردياڻين ڪشميرين سان يڪجهتي طور ملي نغما، ڪشميري گيت، ٽيبلوز ۽ تقريرون پيش ڪيون. تقريب کي خطاب ڪندي ڊپٽي ڪمشنر سکر رانا عديل تصور چيو ته ڪشميرين جي جدوجهد سالن يا مهينن جي نه پر صدين کان هلندي پئي اچي، ڊوگرا راج کانپوءِ ڀارت پاران ڪشميرين تي ظلم جا پهاڙ ڪيرايا ويا ۽ ڪشميرين جي غلاميءَ جو نئون دور شروع ٿيو. هن چيو ته گذريل سال ڀارت آئيني هٿڪنڊي ذريعي ڪشميرين جي حقن تي ڌاڙو هنيو، اسانجو قانوني حق آهي ته ڪشميرين سان ٿيندڙ ناانصافين کي دُنيا آڏو وائکو ڪيو وڃي سکر جا ماڻهو سندن جدوجهد ۾ برابر جا شريڪ آهن. هن گڏيل قومن ۽ ٻين عالمي ادارن کان مطالبو ڪيو ته ڪشمير ۾ ٿيندڙ ناانصافين ۽ ظلمن جو نوٽيس ورتو وڃي ۽ مسئلي جي حل لاءِ ڪردار ادا ڪيو وڃي. ان کان اڳ ڊپٽي ميئر سکر طارق چوهاڻ خطاب ۾ چيو ته ڪشمير کي دُنيا جو سڀ کان وڏو جيل قرار ڏنو ويو آهي، عالمي برادري پنهنجي اکين تي رکيل پٽيون لاهي ۽ ڪشمير ۾ ٿيندڙ بيگناهه انسانن تي ٿيندڙ ظلم جو نوٽيس وٺي. هن چيو ته پاڪ فوج ۾ دشمن سان ڀرپور مقابلو ڪرڻ جي همت موجود آهي ۽ اسين سڀ پاڪ فوج سان هر محاذ تي گڏ آهيون. ان موقعي تي ميراٿن ريس جي ڪامياب شاگردن سان گڏوگڏ ٽيبلوز ۽ تقريرون پيش ڪندڙ شاگردن ۽ شاگردياڻين ۾ پڻ انعام انعام ۽ سرٽيفڪيٽ ورهايا ويا. بعد ۾ ميونسپل اسٽيڊيم ۾ ڊي سي اليون ۽ ايجوڪيشن اليون وچ ۾ نمائشي ڪرڪيٽ ميچ کيڏي وئي.