بچل شاه مياڻي ۾ قائم عسڪري پبلڪ پارڪ انتظامي بي ڌياني سبب اجڙي ويو، نيو سکر بچل شاه مياڻي ۾ قائم عسڪري پبلڪ پارڪ جي حالت رحم جوڳي ٿي وئي سکر ميونسپل انتظاميه عملدارن پارڪ ۾ وڻڪاري سميت مرمتي ڪمن جا ڪوڙا بل ٺاهي ڪروڙين روپيه پاڻ ۾ ونڊ ورهاست ڪري کيسا ڀرڻ ۾ مصروف آهن

سکر(رپورٽ جي ايم شيخ) بچل شاه مياڻي ۾ قائم عسڪري پبلڪ پارڪ انتظامي بي ڌياني سبب اجڙي ويو، نيو  سکر بچل شاه مياڻي ۾ قائم عسڪري پبلڪ پارڪ  جي ...

سکر(رپورٽ جي ايم شيخ) بچل شاه مياڻي ۾ قائم عسڪري پبلڪ پارڪ انتظامي بي ڌياني سبب اجڙي ويو، نيو سکر بچل شاه مياڻي ۾ قائم عسڪري پبلڪ پارڪ  جي حالت رحم جوڳي ٿي وئي سکر ميونسپل انتظاميه عملدارن پارڪ ۾ وڻڪاري سميت مرمتي ڪمن جا ڪوڙا بل ٺاهي ڪروڙين روپيه پاڻ ۾ ونڊ ورهاست ڪري کيسا ڀرڻ ۾ مصروف آهن جنهن ڪري سنڌ گورنمينٽ پاران عسڪري پبلڪ پارڪ لاء آيل ڪروڙين روپين مان وڻڪاري به نه ٿي سگهي ۽ پارڪ زبون حالي جو شڪار ٿي ويو آهي، جڏهن ته ڪجه عرصو اڳ پارڪ ۾ ٿيندڙ ڪم به ٺيڪدار اڌ ۾ ڇڏي غائب ٿي ويو آهي، بچل شاه مياڻي ۾ دادو ڪئنال جي ڪپر تي قائم عسڪري پبلڪ پارڪ ۾ لڳل ڇٻر سميت ٻوٽا به پاڻي نه ڏيڻ ڪري سڙي ۽ سڪي ويا آهن، ته وري پارڪ ۾ عوام لاء لڳل قيمتي ڪاٺين جا ڇپرا به چوري ٿي ويا پر ميوسپل ڪارپوريشن سکر جي ڪنهن به عملدار ڪاسار نه لڌي ۽ پارڪ تي مقرر بلديات جو عملو به گهر ويٺي پگهارون وصول ڪري رهيو آهي پر پارڪ ۾ مقرر مالهين چوڪيدارن سميت ڪو به سرڪاري ملازم پارڪ ۾ ڊيوٽي ڪرڻ اچي ئي نٿو جنهن ڪري شهر جي رولو ڪتن ۽ ٻين جانورن پارڪ ۾ ديرا ڄمائي ڇڏيا آهن، انتظاميه جي راشي عملدارن پاران ڪجهه پئسن عيوض پارڪ جو هڪ حصو منظور نظر ۽ سفارشي بااثر ماڻهو کي رينٽ تي ڏئي ڇڏيو آهي جنهن ۾ هُن هوٽل قائم ڪري ڇڏيو آهي جتي به تفريح لاء آيل شهرين کي ڪجهه گهڙيون گذارڻ لاء چانهن يا بوتل پيئڻ بغير ويهڻ ناهي ڏنو ويندو، سکر ۾ سٽي باء پاس لڳ دادو ڪئنال جي ڪپر تي قائم عسڪري پبلڪ پارڪ جي مالڪي نه هجڻ سبب پارڪ جو گهڻو حصو مينهن جي ڇيڻن ۾ ڀريل هوندو آهي، جڏهن ته ٻئي پاسي پارڪ جي ديوارن جو ڪم پڻ ٺيڪيدار اڌ ۾ ڇڏي ويو آهي، جنهن ڪري عسڪري پبلڪ پارڪ مان عوام کي ڪو به رليف حاصل ناهي، ۽ پارڪ ۾ لڳل لوه جا جهولا پڻ چوري ٿي ويا آهن ديوارن ۾ کڏا پئجي ويا آهن ۽ ديوارين مٿان لڳل گرلون به ماڻهو چورائي ويا پر انتظاميه جي ڪن تي جوء به نه ٿي چري،  سنڌ سرڪار ۽ سکر ميونسپل انتظاميه کي گهرجي ته عسڪري پبلڪ پارڪ تي ڌيان ڏئي اتي مقرر ملازمن کي نوڪري جو پابند ڪري هنگامي بنيادن تي پارڪ ۾ گل ٻوٽا پوکائڻ سان گڏ مرمتي ڪم ڪرايا وڃن ته جيئن عوام لاء خرچ ٿيل سرڪاري پئسن مان سکر جي عوام کي ڪو رليف ملي سگهي،